聽日開始就係德國嘅所謂 Daylight Saving Time (DST)，即係較快個鐘一粒鐘。原因係因為緯度越高嘅地方夏天日照時間越長，反之冬天日照時間就越短，呢個就係季節嘅成因。
呢個做法聲稱可以更好咁利用日光，所以會節省能源，同埋聲稱可以令身體更健康 (因為接觸多咗太陽)。我個人嚟睇，就認為除咗混亂之外，係冇乜實際作用。現代人都唔係睇時間開燈㗎啦，你較唔較快個鐘都好，老老竇竇，覺得暗咪開燈，覺得光咪熄燈囉。加上好多地方都有光度感應器，太光佢係會自動熄燈。而且，幾點做乜呢個完完全全係人為決定，同大自然所有事實都無關！所以作為一個科學毒男，我係帶頭歧視 DST 呢啲無謂嘢的。
身體健康方面，我唔知啲人會唔會真係曬多啲太陽啦，但對於香港人嚟講，我只知道我今晚會。少。咗。一。個。鐘。頭。瞓。呀。你。知。唔。知。香。港。人。瞓。覺。時。間。係。準。確。至。秒。計。㗎！！！
鬧完，大家聽返首好歌。
Search